Ashok-e-Waqt

khauf k mahol me
fikre palti rehti hain
jese bin mausam k aksar
konple nikalti rehti hain
jab soch zameen mein bote hain
apne he sehn me aur mashkeeze k pani se
shajar ugne lagte hain
phir un ki nanhi shakho pe
khwabo k phool sajte hain
bht se log tab ate hain
fikr, andeshe sunate han
us shajar ki chaon me
us se rishta bnate hain
jo beet gyi us k dukh me
afsane nye keh jate hain
tab dekhti rehti hain unko
baseerat bhari do ankhe
aur
fikro se dhaka hua chehra
per kab koi ye samjh paya he
shajar jab kat girte hain
to are lane wale aksar
usi k dost hote hain
usi k chaon me bethte the
usi k sheeda hota hain
aur zindagi k raz un k
shajar me poshida hote hain
Per
waqt ka hakim yeh soche hai
k nye lashkar kab ayege
aur nye shajar ug payege
wafa k beej sang liye
naye rishte boye jayege
per koi na samjh paye ga
waqt ka ye ghanghoor chakar
k jo beet jaye wo kahani ne
mustaqbil ki ik haqeeqat he
jo baap hai aj ik bache ka
kal apne daur ka baghi tha
per koi kese samjhaye k
halat badalate rehte hain
kirdar badalte rehte hain
kahani wohi ik rehti he
ausaf badalte rehte hain
jo mustakbil me hona he
wo kahani mazi me likhi jati he
is ashok ko dekhne wali
bus baseerat wali do ankhe
aur
fikr se bhara hua chehara
haqeeqtan
wafa ka pekar
waqt ki haqeeqat aur
zindagi ka raz
he ye ik chahra
fikr se dhaka hua chehra
—————————————————————————————————-

Ashok: chakar
AShok-e-waqt: waqt ka chakar
—————————————————————————————-

Zindagi haqeeqtan bht ajeeb hain jis me insan kathputli ki tarah khelta he aur use waqt khilata he ye jante hue k aj jis jaga insan talib hain wahin kal wo matloob hoga aur tabdeeli lazim hain q k wo kainaat ka khameer he, halal jab use kheenche to haram ki pakar mazboot hojati he aur insan sada se bewaqoof he q k wo yeh bhool jata he mazi mustaqbil ka peshkhema hota he , insan chunao k marhle pe hamesha mara jata he q k wo shar aur khair k farq se nashna he aur wo kab se chote masail me ghira rha aur haqeeqi masail tak pohnch hi na paya ………….. zindagi me khol ka kirdar bht ahem hain hum haqeeqtan khud se bhagte hain isliye her nye phase me naya khol saja lete hain aur jab wo utarta he aur naya charhta he us doraniye me hume kuch waqt khud k sath milta he aur us farar ko hum depression kehte hain q k hume hamesha se lafzon me kaifiat chupane ki adat he
TBC

*soemthing very random and a very personal point of view

Duao ka talib

Haider Miraj
8:10 pm
27/2/11

fikr se dhaka hua ik chehra jo haqeeqtan wafa ka pekar he-Photo Credits Meenah Tariq

Advertisements

Published by

Muhammad Haider Miraj

A person on the journey of self exploration & learning/development. Time and pain have been my teachers and mentor they made me believe that whatsoever happens, happens for the reason - its gives you learning and add value to yourself. Nature and Spirit helped me connecting within and connect the dots to enhance and and enrich the Faith. Aksr lafz insan ko khokhla bna dete hain jab insan kahe kuch aur .........kere kuch aur..... shaied main b khokhla hogya aur khud ki shanakht se bhagne wale kisi ko shanakht ne de skte. Shaied jo ap parhe wo ap ki zat ka ansar bhi hun q k hain to hum sab ik k hi jaye bus ab khaul mukhtalif pehn liye hain aur ye tehreerein khol walo k liye ne humare asal k liye hain. Duaon ka talib Haider Miraj

5 thoughts on “Ashok-e-Waqt”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s