Safar

Zat………… Obsession ………. Mohabat ……hirs ….. hawas… …… Halal …. Haram … iqtedar ….. qabeela ….. shauq ….. janoon …… chahat ….. safar …… ‘LAHSAIL’

Insan ki zindagi aksar inhi chezo k gird ghoomti hai…. kuch lafz jo k insan ko pehle fantasize kerte hain phir uski zat ka hisa bante hain aur phir tabahi ka sabab ….. Kuch chezo pe insan ka yaqeen sirf baton ki had tak hota he aur kuch cheeze yaqeeni hoti hain ….. Aj shaied meri baton me pehle jaisa rabt na ho shaied in me tanqeed baarai tanqeed na ho shaied ye sirf lafzon ka jawar bata na hun ….. zindagi k bab bht ajeeb hote hain her cheez ka ik safar hota he baqa se fana tak ….. shaied apne kuch bab mukamal hone aur apni agli zindagi me qadam rkhne se phele bht mushkil marahil se guzarna parta ho …. intikhab aur iqtedar insan ko bht ajeeb kaifiat me mubtala ker deta he ….. shaied mohabat k khol me chupe jazbat ko unki haqeeqat bata deni chahiye …. shaied tamam log jo ap k sath isliye wabista hun k unhe ap me kuch nazar ata he un he azad ker dena chahiye q k un ko is baat ka ilm ne k ap ne jis safar k liye saman bandha he wo shaied mushkil to na ho per takleef deh zaroor hoga …. kissi bhi rishte me age niklne wale peeche reh jane wale ko kabhi yad ne kerte ……. Lahasil me se hasil ki bo sab se ziada ati he …… Mazaq sa lagta he jab ap ki kahi gayi bate apko wapis btai jaye to apko ihsas ho k kehna asaan he aur wo apko chabul jesi maloom hun . Mazaq sa lagta he jab ap k pass sawal hun, jawab hun, per ap bebas hun….. Mazaq sa lagta he jab ap umar bhar k wade kerne k baad faqat isliye log aur rishto ko azad kerde k ap ko ha;lal aur haram aur hasil aur lahasil k beech me se chunao kerna he ….. Mazaq sa lagta he jab ap ihtisab kerne bethe to ap k gird jitne log hun wo apko marasim nahin hujoom maloom hun jo ik khas waqt tak ap k sath ho aur phir azad ho jaye aise hi jese tamasha k baad tamashai talian bajate meethe lache khatti goli kha k gharon ko laut aye …….. Mazaq sa lagta he jab apko yeh ihsas ho k jis se apko mohabat thi aj wo apki zid he …… Mazaq sa lagta he jab ap klhud azieat me hun aur chehre me khushi ka khol charhaya ho aur jab ap ka zabt toot jaye to ap khud ko pehchanane se munkir hojao …. MAzaq sa lagta he jab ap chand khokhle lamho k liye apne asal se bhagna shuru ker dete hain jab ap ki sab se mukhtasir bat apne asal se ho aur baqi sab baton me apko ye ihsas ho k ap ba ilm ho per ap kuch b ne ………. Mazaq sa lagta he q k lahasil ki janib bhagte bhagte ap tootate b ho uthte b ho reze jharte b ho per chot bhool jate ho magar Human journey isnt linear its circular 🙂 jis ka akhir kuch b ne …………
Insan ko man lena chahiye k us k zahir aur batin me bht farq he …… cheeze kehne aur kerne me bht farq he …… Kahani ka kirdar banane aur khud ko fasana banane me bht farq hota he …… Bht farq hota he talib aur matloob me … At the end od the day its just u. aur tamam khol jab utarte hain to asal ki ankhon me ankhe milana bht mushkil hota he

‘Aur Beshak insan ko apne Rab ki taraf laut k ana he’

Advertisements

Published by

Muhammad Haider Miraj

A person on the journey of self exploration & learning/development. Time and pain have been my teachers and mentor they made me believe that whatsoever happens, happens for the reason - its gives you learning and add value to yourself. Nature and Spirit helped me connecting within and connect the dots to enhance and and enrich the Faith. Aksr lafz insan ko khokhla bna dete hain jab insan kahe kuch aur .........kere kuch aur..... shaied main b khokhla hogya aur khud ki shanakht se bhagne wale kisi ko shanakht ne de skte. Shaied jo ap parhe wo ap ki zat ka ansar bhi hun q k hain to hum sab ik k hi jaye bus ab khaul mukhtalif pehn liye hain aur ye tehreerein khol walo k liye ne humare asal k liye hain. Duaon ka talib Haider Miraj

6 thoughts on “Safar”

  1. “aur insan shar ko iss tarah mangta hey jesey khair ko be’shak insan bara he jald baz waq’ae hua hey”
    Mohabbat hur tarah se zid hoti hey. hur form mey, specially agur insan se hui ho. yaha tau maa baap b umar k kisi na kisi hisay mey qurbani aur ehsan zarur jatatey hein. Humara material he selfishness se bhara wa hey. insan basically khud gharz hey.
    iss note ki chand baatein shaid mujhey theak se samaj nai ayi aur shaid jo agayi wo isleay kyuke unka meney upney point of view k lehaz se upney marzi ka matlab nikal leya.
    but yes what i very strongly agree with, is that human journey is circular. Aur hum waqae aksar haram halal mey pur jatay hein. pur faida? huim mey kitnay hein jo phir waqae tamam umar us pur regret ni kurtey? hardly any. aksar ussi aik choti si qurbani ka tanna ya ehsan jatatay reh jatay hein. ussey zaya kur daitey hein. Lekin pata hey keya? aisi baatein siraf behas ki had tuk achi lugti hein, practically hum mey se koi b materialistic pursuit se bahir ni nikal sukta, na nikaley ga. aisi basti mey tau kubi b nai jaha betio ki shadi ni ki jati unhey becha jata hey.
    zindagi ko uski dagar pe behney do. its the only shot we have…to ..whatever it is after death.
    Let time flow.

    1. apne zaviye apni zat se bahir nikal k dekho, log bht mukhtalif hote hain jinhe regret ne he unhe unka andar mar deta he mere Maula ka bhi koi nizam he, insan ko takheer se ya pehle ihsas ho jata he, aur rhi bat bechne ki to ma bap k trust ki dhajiyan bhi to urai jati hain main ye ne kehta k wo theak hain per main ye kahoga k sahi hum bhi ne, kash tum ik bap ki nazar se dkeho. per insan jab apne upar so called depression aur zid ka khol charha le to use siwae waqt k koi ne sikha skta koi ne 🙂

  2. aur han mazak sa lugta hey jub aas paas k loug tamashai nikaltey hein. true.
    aur phir keya hota hey? tub phir dil nai kurta insan upney b shakal daikhey. tub phir insan waqt k sath behta hey. jo hona hey hojaye. aur waqt k sath behney ka matlab Maula se bagawat ya depression nai. jub aas paas loug tamashai nikal ayein tub Maula ka he darr bach jata hey. pata hey keya? jo loug dunya se ukhry ukhry rehtay hein na, un mey se bohat se Maula k zada qareeb hotay hein. kisi k yaken ka andaza uskey zahiri surat se lugana bekar hey.

  3. Mazak sa lugta hey jub apkey pas sawal ho jawab ho pur ap be bas ho..uss se barh k mazak lugta hey jub apko haqeeqat pata ho rastey ki mushkil aur takleef ka b pata ho, agay barhney ki khwahish b maujoud ho, kuch kurney ka jazba b ho, unchey khwab aur umeed b ho phir b kuch na kur pao.jub samaj na aye k keya hey jo rok raha hey? materialistic pursuit, luxury, mohabbat, zid ya mehaz apka nafs aur shaitaan?
    aur iss saray mazak se zada takleef deh baat ye hey k phir insan be hiss hojata hey, jub na sakon chaheay hota hey na kuch aur. aik chota sa kanta zarur reh jata hey dil aur dimag mey k jo hey wo galat hey. magar agley he lamhay zat pe jami baraf phir se havi hojati hey. kabotar ki tarah ankhein band kurna waqti rehayi tau daita hey pur ultimately insan khud se he bhagta hey. akele rehna aur khud se mulaqat sub se mushkil kam hein…
    jub tuk jawab ni miltey na, tub tuk phir behtar hota hey. kisi ko blame tau kur suktey hein, Us se lar tau sukta hey insan..pur jub andar se he jawab milney lug jaein tub bhagna purta hey. na chahtay hue b.
    aur sub se bara mazak lugta hey jub ap andar he andar khud ko samjha kur mana kur koi faisla kur lo lekin hosh mey atay he jo manzar apkey samnay ho wo sub apkey soch pur hansein..jub ehsas ho k insan keya keya choray ga? kis kis se baatein sunay ga?..
    Maula tau shaid samaj jata hey maaf b kur daita hey..lekin insan na samajta hey na kubi maaf kurta hey..

    lekin phir…Allah b tau hur dafa maaf nai kurta na?.
    wohi la-hasil behas..mazak he hey k insan ye bojh uthana nai chahta kyuke wo khud ko be bas pata hey hala ke insan wahid makhloq hey jis mey ye bojh sehney ki taqat hey :p

    LAHASIL BEHAS! aur dimag ki dahi!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s