Bees Baras

khud ki khoj me aksar maine
khud ko tanha paya he
aur her ik mor pe ghere mujhko
apno ka ik saaya he
jab jab khud me jang hui
zameen apni mujhpe tang hui
to bilakhir phir batwara tha
kuch yado ka
kuch socho ka
kuch rishto ka
kuch baton ka
kuch chato ka
kuch deewaro ka
aur is sari ruswai me
main khud hi tamashai tha
phr shehar b usne chora dia
aur mazi se mun morh lia
phr mosam mujhse rooth gye
kuch dhoop b mujh pe ashiq thi
per ab wo b taqseem hui
aur apne hi aaien me logo
phir se koi tarmeem hui
aur phir se asase bant k jab
main naye safar pe nikla tha
chand bhi waqif na tha ab
aur
sooraj haath pe pighla tha
ab koi na mujhse shanasa tha
aur ab ki bar duniya me main
khud hi aik tamasha tha

kuch hath jo hatho se choot gye
aur pyare rishte toot gye
phir logo ki basti me main
phir se tanha tanha tha
aur aaine k samne main
kuch kuch ruswa ruswa tha
aur is dais ki lugat me main
20 bars ka ujra tha
20 bars ka ujra tha

Advertisements

Dharti pe Khuda

Aksar sham k waqt kuch jumle meri soch ka mehvar ban jate hain aise hi ik sham jab soraj paharo ki god me pighal rha tha meri soch ka mehvar banane ki bari jin lafzo k jawar bate ki thi wo kuch ye the k “Jis ne khud ko talash ker lia usne goya khuda ko talash ker lia”, us k baad soch k safar ka aaghaz hua mere zehn me kayi pehlo aye ik talash Mansoor ki thi ya her us shaks ki jis ki talash ka ikhtitaam us Zaat-e-bari tala pe hota he ik aur talash mere zehn me ubhri wo safar jis k anjam me insan khuda ko talash ne kerta balk-e khud Khuda ban jata he. jab kissi bhi shaks ko ye ihsas hojaye k koi aur us k bgair ne je skta ya uspe dependent he to wo us k saath khel ka aaghaz kerta he ik khuda wo hota he jo firoan, Namroad, Shadad,Shah-e-iran ya Gen.Augusto tanoshe khud ko samjhte the ya aajkal is mulk k ba iqtedar log hain jinka jab g chahe jiski zindagi se chahe khel le aata bijli gas petrol her tarah ki maut aur mazori un k ihsanant hain wo jisko chahe dehshat-e-gard keh k mar de ya un k liye lagaye gye routes me kissi ka baap ambulance me dam tor de ye wo dharti pe khuda hain jo hume nazar ate the aur rhe ge magar kuch aur log b hain jo hume nazar ne ate magar apne kissi na kissi rishte k liye wo khud ko khuda samjhte hain chahe wo un ki mohbt ho ya chahe koi aisa wajood jis ki zaroriyat us se wabista hain insasn k kayi rop hote hain aur kayi khol jinhe wo apne mukhtalif rishto k liye istemal kerta he magar tareekh ka ye sabaq her kitab me raqam he waqt jab insaf ki kursi pe birajman hota he to wo insaf kissi ka auhda ya kissi ka paisa dekh k ne kerta… aur meri soch ka safar jab apni manzil ko pohncha to mere zehn me mere hi ustad ka ik jumla tha aur wo shaied kayi kitabo me ho magar mujhe us k matlab jaise aj samjh aya waisa kabhi ne tha shaied iski waja ye thi k aaj main samjhne ka talib tha aur talib aur matlob k raaste hamesha mukhtalif hote hain khair unho ne mujhse kaha tha k

“Zulm utna kero jitna seh sako”

aur maine socha k waqiye insan k pass do raste hi hote hain aur sahi raaste ka chunao use dhani ker deta he aur ghlat rasta use tabah so dharti pe khuda ki talash kero khud khuda mat bano aur maine socho ko zehn me qaid kia aur lata ki gayi hui gazal ka ye shair gungunate hue bache hue din ka hisa ban gya

YA dharti k zakhmo per marham rkh de
ya mera dil Pathar kerde Ya Allah

PS: Dear readers, you have every right to disagree.

Duao ka talib

Random

Phir 2mne ahista se jane ka kaha aur 2mhari khud se khoobsoorat ankhe mere chehre ko aise dekh rhi thi jaise insan maut ka talib ho aur malk-ul-maut ki rah dekhe… ab ki bar shaied main tumhe nae rokoga q k jab kissi ko ye ihsas hona shuru hojaye k wo kissi ki kamzori he to wo usko beech bazar ruswa b kerta he aur us k jazbat ki qeemat b lagata he… aur phir rishto ki mandi lagti he,khair suno tum chali jao q k rishta bojh ban rha he hamare zameer pe aur hum ab khud k bune hue dhoke ko mohbt b ne keh skte q k mohbt haqeeqi tor pe ik shaks ka dosre shaks ki bhook aur zarooriat puri kerne ka nam he.Suno 2m chali jao magr han yad rkhna december ki barish k baad asman hamare khoobsoorat lamho ko apne seene pe sajaye ga per tum kamzoor mat hona q k ik kamzoor lamha sadiyo ki barbadi ki dastan likhta he

Khwabo ka Bharam Toot Gya

Waqt hamesha se her rishte aur her faisle me bht ahm(imp) ansar(factor) rha he jab bhi kissi nye faisile k zarorat aye to waqt malhoz-e-khatir rkha jata he aise hi rishte hote hain shru shuru me hume lagta he k in k bina jeena mumkin ne inse bichre ge to hum mar jaye k hum reh na paye ge aur pir ahista ahista dorria shuru hojati he aur phir ik waqt ata he k rishte ana ki bhaint charh jate hain aur ana sirf rishto me tab ati hain jab mohbt apni qadr khona shru ker de.Insan k samne zindagi me hamesha do raaste hote hain… wo jis bhi raste ka intekhab kerta he us pe paish ane wali pehli mushkil usko dosre raste ki durust aur aasan hone ki shahadat deti he… aksar rishto me bhi hamre pass chunao ka lamha aata he… mohbt aur ana ka chunao… izzat-e-nafs ka chunao… Kissi k saath is shart pe zindagi guzar dena k hume use mohbt he ye jante hue k mohbt haqeeqtan kuch b nae hoti faqt zaroriata ur unpe mabni taluq he… hume taluq aur us wajood ki adat bht sukoon pohnchati he magar Waqt hume ihsas dila deta he k hum us k bgair reh skte hain insan shuru se khudgharz tha aur rhe ga yehi waja he k jab bhi mohbt kisi chorahe pe aye ya chunao ki talib ho to ana samne ajati he aur phir rishte ki zindagi ka agla baab ‘MAIN’ ya ‘Ana’ raqm kerti he
aur phir mohbt k aagaz aur aalohi ahd me bnaye jane wale khiyalat k ghosle ana ki andhiyo ki nazar hote hain aur
phir ahista se
koi ahat paida kiye bgair
bht khamoshi se
ik jhatke me
khwabaon ka bharam toot jata he
aur khushio ka mausam rooth jata he

PS: ye mere sochne ka zaviya he aur ap logo ko haq he k is se ikhtilaf kere

Kya Likho Main Tum pe Jana

kya likho main tum pe jana
lafz kahan asar rkhte hain
2mko chand sitara likho
ya phir dhoop kinara likho
ya mujh tanha ka sahara likho
2mko dheemi hawa likho
ya koi muqadas dua likho
2mko itna kehta hun main
meri jaan aur maan ho 2m
main nirdhan,Dhanwan ho 2m
qudrat ka nawaza pyara sathi
ya Apne Maula ka ihsan likho
sochta hun 2mko lafz urhao
aur apni ghazal ka unwan likho
magar phir yakdam khyal ata he
lafz kahan asar rkhte hain
na koi pao na sir rkhte hain
chalo chore likhna parhna jana
dur kahen chale jaye hum

Aise Se

Q hoti he her cheez aise se mere maula
jaise beech samundar k pyase mere maula

hai kitna ajab tamasha in onche logo ka
hai pass sab phr b hatho me kase mere maula

tere baad muskura k log ashk ponchne ate hain
q lagte hain mujhko wo khuda se mere maula

ik pal ko man leta hun k 2m kabhi wapis na aoge
agle pal mausam deta he mujhe dilase mere maula

khwahishat,purane khat,ajeeb dard aur teri yad
ab ik dosre se mujhko lagte hain juda se mere maula

26/8/9
10:43

Iqbal Tere Dais ko Wapis Laye Hum

ik ajab sa shor tha
chalti garian
bhagti buse
reengte log
is nagr pe jane q
phela ik ajab sa sog
kissi pe kab
kissi ka zor tha
chalte chalte aage nikla
sooraj mere hath pe pighla
galiyan kooche ab sab khamosh
kissi ko ne ab kissi ki hosh
na wo jazbe na wo josh
onche gane nasle khamosh
kissi ko yad na aya mazi
bikhre aiza jano ki bazi
her basti ka apna mula
galiyo me bikte hain qazi
siko pe nachti hain jawanian
her gali me nayi kahanian
jungle khamosh aur ghar weran
bani her wadi qabristan
na bijli na ata logo
her koi a k khata logo
kabhi mazhab to kabhi shahadat
nayi bunido pe nachata logo
ab aisi khamosh hui hain nasle
aur hoslo ki gali me sanata logo
kis kis k dil me josh jagao
47,65 yad kerwao
rothi nasle kaise manao
iqbal tere dais ka kya hal sunao
ye mitti apni mitti he
taqdeer maula ne likhi he
phir q ye udasi aur q khamoshi
utho
hum sir uthate hain
nayi ik duniya basate hain
jahan aman b hoga
aur jashan b hoga
phir swat me chehre gaye ge
aur apni pehchan bnaye ge

chalo
phr naya rkht-e-safar bandhe hum
phr se milaye kandho se kandhe hum
ik awaz,ik junon aur ik hi maqsad
Iqbal tere dais ko wapis laye hum